Google ADS

Sadio Mane dhe Leroy Sane u përleshën pas humbjes në Champions League

18:20 | 12 Prill 2023
Orgesa Haziri

Ylli i Bayern Munichut, Sadio Mane thuhet se e ka goditur me grusht në fytyrë shokun e tij të skuadrës, Leroy Sane, pas humbjes së gjigantëve gjermanë në Ligën e Kampionëve ndaj Manchester Cityt të martën mbrëma.

Ish-sulmuesi i Liverpool-it, Mane mendohet se ka pasur probleme me mënyrën se si gjermani foli me të gjatë asaj që doli të ishte një ndeshje e turpshme për skuadrën e Thomas Tuchel.

Sipas informacioneve të BILD, pas fishkëllimës së fundit ka pasur një diskutim të shkurtër dhe me zë të lartë në dhomën e zhveshjes.

Thuhet se Mane është ankuar për mënyrën se si i foli Sane dhe se ai ka sulmuar shokun e skuadrës dhe e ka goditur në fytyrë.

Mane erdhi nga Liverpooli në verë si superyll dhe ka kontratë deri në vitin 2025, por nuk ka arritur ta gjej vetën në Gjermani./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm