Klopp i përgjigjet tifozit se kush do ta fitojë titullin e Ligës Premier këtë sezon

09:00 | 11 Prill 2023
A. B.

Jurgen Klopp e ka bërë të qartë mendimin e tij për garën për titull në Ligën Premier pasi u pyet nga një tifoz i Arsenalit se kush dëshiron të fitojë.

Liverpool zvogëloi shanset e Gunners për ta mbyllur sezonin si kampion pasi mbajti liderët e ligës në një barazim 2-2 në Anfield të dielën.

Arsenali tani është vetëm gjashtë pikë përpara sfiduesit për titull, Manchester City, i cili ka luajtur një ndeshje më pak – me dy skuadrat që do të takohen në Etihad më 26 prill.

Pas barazimit me Liverpool, mbështetësi i Arsenalit dhe prezantuesi i AFTV, Cecil Jee Thomas iu afrua Kloppit, i cili po fliste me tifozët jashtë Anfield, ndërsa ishte ulur në makinën e tij.

“Do të dëshironit të na shihni të fitojmë ligën, Arsenalin, apo jo?”, e pyeti Thomas trajnerin gjerman, derisa ky i fundit qeshi.

Alexander-Arnold zbulon se çfarë çoi në përplasjen e ashpër me Granit Xhakën
“Ekipi më i mirë”, u përgjigj Klopp.

Pasi shtrëngoi duart me trajnerin e Liverpoolit, Thomas qeshi me themeluesin e AFTV Robbie Lyle, i cili u përgjigj: “Ai po flet për ne!”. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm