Nuk është sekret që Erling Haaland shënon shumë gola – por goditja e tij mahnitëse me biçikletë në fitoren e Manchester City ndaj Southampton padyshim do të renditet ndër më të mirët e tij.

Kishte paqartësi nëse 22-vjeçari do të startonte të shtunën pas një dëmtimi në ijë, por ai njoftoi rikthimin e tij me stil.

Ky ishte goli i tij i dytë në ndeshje, pasi City regjistroi një fitore 4-1 në “St Mary’s” për të zgjatur serinë e tyre të fitoreve në tetë ndeshje në të gjitha garat dhe për të mbajtur presionin mbi liderët e Premier League, Arsenal.

Trajneri i tij, Pep Guardiola ka insistuar pas ndeshjes se ai është në nivelin e Messit e Ronaldos, shkruan BBC.

“Ne kemi jetuar dy dekada të jashtëzakonshme me Cristiano Ronaldon dhe Lionel Messin, por ai është në atë nivel. Goli i dytë ishte i mrekullueshëm. Nuk është e lehtë të marrësh topin në qiell dhe ta vendosësh në bar”, tha menaxheri Pep Guardiola për BBC Sport.

City, kampion i Anglisë në katër nga pesë sezonet e fundit, nënshkroi Haaland nga Borussia Dortmund.

Nëntë muaj më vonë dhe sulmuesi norvegjez ka barazuar rekordin e 44 golave ​​në të gjitha garat nga një lojtar i Premier League në një sezon.