Marsejë: Shembet ndërtesa, zjarri pengon operacionet e shpëtimit

16:07 | 9 Prill 2023
E.H

Deri në dhjetë individë mund të jenë zënë poshtë rrënojave të një ndërtese që u shemb pas një shpërthimi në qytetin francez të Marsejës.

Por një zjarr brenda rrënojave po pengon operacionet e shpëtimit, njofuan organet franceze të rendit.

Ministri i Brendshëm, Gerald Darmin, tha se sipas të dhënave, ndërtesa kishte të paktën katër banorë.

Deri tani, nuk ka të dhëna për humbje jete nga shpërthimi dhe shembja e ndërtesës, apo se çfarë e shkaktoi shpërthimin, tha ai.

Ndërtesa pesë katëshe u shemb rreth orës 1 të mëngjesit të ditës së dielë.

Më shumë se 100 zjarrfikës janë përfshirë në operacionet e shpëtimit. Rreth 30 ndërtesa në zonë u evakuuan.

Kryebashkiaku i Marsejës, Benoit Payan, tha se dy ndërtesa që kishin mure të përbashkëta me pallatin që u shemb, u rrëzuan pjesërisht përpara se njëra ndërtesë të rrëzohej më vonë. Gjashtë persona u shtruan në spital./voa

Shpërndaje në rrjete sociale

Lajmet më të lexuara

Të ngjashme

Foto lajm