Kur kanë mbetur edhe shtatë xhiro deri në fund të Championshipit anglez, Burnley ka kompletuar misionin për rikthimin në elitën e futbollit anglez, Ligën Premier, dhe kjo edhe fal paraqitjeve fenomenale të portierit Arijanet Muric.

Burnley ka arritur fitore të madhe si mysafir i Middlesbrought me rezultat 2-1, fitore që matematikisht ia siguron rikthimin në Ligën Premier.

Aktualisht skuadra e drejtuar nga trajneri Vincent Kompany, ku luan edhe portieri Arijanet Muric janë të parët në tabelë me 87 pikë pas 39 ndeshjeve, derisa kanë 19 më shumë se Luton që ndodhet në pozitën e tretë, por që kanë një ndeshje më shumë të zhvilluar.

Promotion back to the #PL at the first attempt! 👏

We’ll see you soon, @BurnleyOfficial! Congratulations! pic.twitter.com/eMagjOLgM8

— Premier League (@premierleague) April 7, 2023

Kësisoj Burnley pas një edicioni të jashtëzakonshëm rikthehet pas një viti në elitën e futbollit anglez dhe tani i mbetet vetëm të siguroj edhe pozitën e parë, pasi si vendi i parë ashtu edhe ai i dyti ngjiten direkt në Ligën Premier.

Reklama
Merita jashtëzakonisht të mëdha në rikthimin e Burnleyt në Ligën Premier ka portieri kosovar Arijanet Muric, i cili këtë edicion ka qenë i jashtëzakonshëm.

24-vjeçari ka mbrojtur në 37 ndeshje në Championship, duke pranuar 29 gola, por që ka mbajtur në 16 sfida portën e pa prekur.

Pasi kanë siguruar zyrtarisht rikthimin në elitë, Burnley është në rrugë të mirë të shpallen edhe kampion në Championship, pasi kanë 11 pikë më shumë se Sheffield United që ndodhen në vendin e dytë.

WE ARE PREMIER LEAGUE, YES WE ARE PREMIER LEAGUE!

— Burnley FC (@BurnleyOfficial) April 7, 2023

Pikërisht ndeshjen e ardhshme Aro Muric me bashkëlojtarët e tij luajnë derbin ndaj Sheffield United, ku fitorja do t’i afronte ata edhe më shumë drejt titullit kampion në Championshipin anglez. /Telegrafi/