Dy persona nga Shqipëria kanë marrë me qira një Audi Q8 në Kosovë dhe të njëjtin e kanë shitur në Tiranë.

Policia e Shqipërisë ka njoftuar se dy shtetasit K. H., 23 vjeç dhe P. T., 38 vjeç, të dy nga Korça, morën Q8-in me qira në Kosovë dhe më pas ia kanë shitur shtetasit J. C., i cili e ka çuar automjetin në një servis në Vaqarr, për heqjen e pajisjes GPS.

K.H dhe P.T janë arrestuar ndërsa në kërkim janë shtetasit F.B, dhe J.C, të cilët dyshohen se kanë bashkëpunuar në këtë veprimtari kriminale.

“Në cilësinë e provës materiale janë sekuestruar automjeti i marrë më qira (Audi Q8) dhe një automjet tjetër që dyshohet se është trafikuar nga këta shtetas. Vijon puna për dokumentimin e rasteve të tjera të trafikimit të mjeteve, që mund të jetë kryer nga këta shtetas, për kapjen e shtetasve të shpallur në kërkim dhe për identifikimin e shtetasve të tjerë të përfshirë në këtë veprimtari kriminale. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale”, thuhet në njoftimin e Policisë së Shtetit./Arbresh.info