Xavi pritet ta vazhdojë kontratën me Barcelonës, sipas ekspertit të transferimeve, Fabrizio Romano.

Xavi u kthye në Barcelonë në cilësinë e menaxherit në nëntor 2021 dhe ka bërë një punë të shkëlqyer që nga kthimi në klub.

Ikona e Barçës e ndihmoi skuadrën të përfundonte e dyta në La Liga sezonin e kaluar dhe është në rrugën për t’i udhëhequr Blaugranat drejt triumfit të titullit këtë sezon, me një epërsi prej 12 pikësh ndaj kampionëve Real Madrid tashmë të vendosur.

Xavi gjithashtu fitoi Superkupën e Spanjës me katalanasit në fillim të këtij viti, ndërsa ata janë të gjallë edhe në garën e Copa del Rey.

Duke pasur parasysh punën që ka bërë, presidenti Joan Laporta kishte zbuluar muajin e kaluar se donte t’i ofronte menaxherit një kontratë të re .

Marrëveshja aktuale e Xavi me Barcelonën skadon në vitin 2024 dhe kryesuesi i klubit është i prirur ta mbajë atë përtej vitit të ardhshëm.

Dhe tani, Romano ka konfirmuar se Xavi do të nënshkruajë një kontratë të re me klubin në fund të sezonit.

43-vjeçari aktualisht është plotësisht i fokusuar në drejtimin e skuadrës drejt titullit të La Liga-s dhe pasi të përfundojë ky mision, ai do të festojë arritjen duke nënshkruar një marrëveshje të re.

Nuk ka dyshime për vazhdimësinë e Xavit dhe të dyja palët duan që zgjatja të ndodhë. Dhe kjo do të ndodhë sapo sezoni të përfundojë, me legjendën e klubit që shpreson t’i çojë ata në një trefishtë vendas të La Ligës, Copa del Rey dhe Superkupës së Spanjës./Arbresh.info/