Klubi i Arabisë Saudite, Al-Hilal ka ofruar ta bëjë Lionel Messin lojtarin më të paguar, duke eklipsuar marrëveshjen e Cristiano Ronaldos me Al-Nassr.

Ronaldo u transferua te klubi me bazë në Riad, Al-Nassr në fund të vitit 2023 dhe fiton rreth 173 milionë funte në vit.

Kontrata përfshin gjithashtu të drejtat e tij të imazhit dhe disa përgjegjësi të tjera.

Rivali sportiv i Ronaldos, Messi, gjithashtu mund të jetë gati t’i bashkohet atij në vendin e Lindjes së Mesme pasi e ardhmja e tij në Paris Saint-Germain duket më e pasigurt se kurrë.

Sipas Mirror, 35-vjeçari ka një pagë mujore prej 3,375 milionë euro në PSG, por pretendon se jo vetëm që nuk është i gatshëm të pranojë një ofertë më të ulët nga drejtuesit e klubit, por ai ka marrë një propozim nga Arabia Saudite që do ta bënte atë futbollistin më të paguar në botë.

Al-Hilal janë duke u përballur me një ndalim transferimi, por besojnë se do të jenë në gjendje të nënshkruajnë lojtarë këtë verë.

Një lëvizje e tillë do të vinte Messin kundër Ronaldos në kryeqytetin e vendit të Lindjes së Mesme.

Krahas Sergio Ramos, bisedimet për kontratën e argjentinasit janë pezulluar nga gjigantët e Ligue 1.

Messi iu bashkua PSG-së me një kontratë dy-vjeçare në verën e vitit 2021 – me marrëveshjen e tij për rinovim në qershor dhe bisedimet aktualisht kanë ngecur.

Pas një sezoni të vështirë debutues në Paris, ai ka shënuar 18 gola dhe ka dhënë 19 asistime këtë sezon.

Sidoqoftë, e ardhmja e tij u vu në dyshim me PSG-në që ndaloi bisedimet për rinovimin e kontratës, pasi ata përpiqen të shmangin ndëshkimin e mëtejshëm duke kompromentuar rregulloret e Fair Play Financiar të UEFA-s./Arbresh.info/