Google ADS

Rritet numri i bizneseve të shuara

08:45 | 22 Dhjetor 2015
Arbresh.info

Pas dy vjetësh, Elmije Hyseni nga Prishtina kishte vendosur që të mbyllë biznesin e saj.

Ajo ishte pronare e lokalit “Bizhuteria”, por, që siç thotë ajo çmimi i arkave fiskale të shtrenjta dhe mospërballimi i qirasë ka shtyrë atë që të vijë deri te mbyllja e biznesit.

Ajo tregon për “Zërin” se nuk ka marrë asnjë ndihmë nga institucionet si përkrahje të biznesit.

“Jam marrë me shitjen e bizhuterive, por u detyrova ta mbyll se çmimet e arkave fiskale kanë qenë shumë të shtrenjta, qysh në fillim më është dashur vetëm ta blej aparatin e arkave fiskale 700 euro, pastaj edhe çmimin e qirasë nuk munda ta përballoj. Kohëve të fundit kam pas edhe probleme me shëndetin dhe këto janë tri arsyet pse edhe përfundimisht me letra e mbylla biznesin”, ka thënë ajo.

Sipas të dhënave të Agjencisë për Regjistrimin e Bizneseve, gjatë periudhës janar-nëntor janë shuar rreth 1 mijë e 838 biznese, ku në krahasim me periudhën e njëjtë të vitit paraprak shihet një rritje e shuarjes së bizneseve.

Shpërndaje në rrjete sociale

Lajmet më të lexuara

Të ngjashme

Foto lajm