Gjykata Themelore në Prishtinë ka caktuar masën e paraburgimit në kohëzgjatje prej 30 ditësh për A.M, i dyshuar  për vrasjen e rëndë në lagjen “Arbëria” në Prishtinë më 18 mars, ndërsa për të dyshuarin M.M, është refuzuar kërkesa e Prokurorisë Themelore në Prishtinë për caktimin e masës së paraburgimit.

Kjo u bë e ditur përmes një komunikate për medie nga Gjykata Themelore në Prishtinë, raporton “Arbresh.info”.

“Gjykata Themelore në Prishtinë – Departamenti për Krime të Rënda  ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurve  M.M dhe A.M  për shkak të veprës penale Vrasje e rëndë në bashkëkryerje nga neni 173 paragrafi  1 pika 1.5 lidhur me nenin  31 të Kodit Penal të Republikës së Kosovës, ndërsa secili veç e veç dyshohet se kanë kryer edhe veprën penale Mbajtja në pronësi kontrolle ose posedim të pa autorizuar të armëve  nga neni 366 paragrafi 1 të Kodit Penal të Republikës së Kosovës”, thuhet në njoftim.

Ky është njoftimi i plotë:

Prishtinë, 21 mars 2023 – Gjykata Themelore në Prishtinë – Departamenti për Krime të Rënda  ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurve  M.M dhe A.M  për shkak të veprës penale Vrasje e rëndë në bashkëkryerje nga neni 173 paragrafi  1 pika 1.5 lidhur me nenin  31 të Kodit Penal të Republikës së Kosovës, ndërsa secili veç e veç dyshohet se kanë kryer edhe veprën penale Mbajtja në pronësi kontrolle ose posedim të pa autorizuar të armëve  nga neni 366 paragrafi 1 të Kodit Penal të Republikës së Kosovës.

Gjyqtari i procedurës paraprake kërkesën e Prokurorisë Themelore në Prishtinë për caktimin e masës së paraburgimit për të pandehurin M.M e ka refuzuar ndërsa për të pandehurin A.M  kërkesën e prokurorisë e ka aprovuar dhe të njëjtit i ka caktuar masën e paraburgimit në kohëzgjatje prej 1 (një) muaji.

Gjyqtari i Procedurës Paraprake, pas dëgjimit të prokurorit të shtetit, të pandehurve dhe mbrojtësve  të  tyre, për caktimin e masës së paraburgimit,  vlerësoj se kërkesa e prokurorit të shtetit sa i përket të pandehurit A.M është e bazuar sepse janë përmbushur kushtet e parapara me nenin 184,  paragrafi 1, nënparagrafi 1.1 dhe 1.2, pikat 1.2.1, 1.2.2 dhe 1.2.3 të Kodit të Procedurës Penale, ndërsa sa i përket të pandehurit M.M, në mungesë të dyshimit të bazuar për kryerjen e veprës penale, kërkesa e prokurorit të shtetit për caktimin e masës së paraburgimit ndaj të njëjtit është refuzuar, si e pa bazuar.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë./Arbresh.info/

LEXO EDHE

Vritet një burrë në një hotel në lagjen “Arbëria”, plagosen me thikë dy të tjerë – Arbresh.info