Sërish pauzë në takimin Kurti-Vuçiq

20:59 | 18 Mars 2023
K.B

Edhe pas më shumë se 10 orësh, nuk kanë përfunduar bisedimet në Ohër mes kryeministrit të Kosovës, Albin Kurti dhe presidentit të Serbisë, Aleksandar Vuçiq me ndërmjetësuesit e Bashkimit Evropian.

Burime të Arbresh.info, bëjnë të ditur se nga delegacioni serb ende nuk dihet se a do të ketë nënshkrim të marrëveshjes apo dakordim.

Ky burim është në delegacionin serb dhe thotë që këtë marrëveshje nuk po e nënshkruan presidenti i Serbisë Aleksandar Vuçiq.

Pas orës 22:00 ka gjasa të dihet se çfarë do të ndodhë.

Fillimisht, Kurti dhe Vuçiq, zhvilluan takime veç e veç me ndërmjetësuesit evropianë dhe më pas nisi takimi trepalësh, ku palët diskutuan për zbatimin e propozimit evropian për normalizimin e raporteve.

Më herët gjatë ditës, takimi trepalësh u ndërpre për mbi një orë, po ashtu për shkak të një pauze.

Shpërndaje në rrjete sociale

Lajmet më të lexuara

Të ngjashme

Foto lajm