Ambasadori i Shteteve të Bashkuara të Amerikës (ShBA), Jeffrey Hovernier, ka shkuar sot në selinë e Partisë Demokratike të Kosovës (PDK), ku është takuar me kryetarin e kësaj partie, Memli Krasniqin.
Në një njoftim në Facebook, Krasniqi ka thënë se me ambasadorin amerikan kanë diskutuar për dialogun Kosovë – Serbi, me theks të veçantë në refuzimin e PDK-së për ta pranuar propozimin evropian, gjë të cilën e ka bërë kryeministri Kurti, përcjell arbresh.info.
“Ambasadorit Hovenier i shpreha edhe një herë qëndrimin e PDK-së në lidhje me dialogun Kosovë – Serbi dhe rezervat tona në raport me propozimin evropian tashmë të pranuar nga Kryeministri Kurti. Për ne, kjo marrëveshje është e pamjaftueshme dhe një mundësi e humbur për të arritur një marrëveshje finale, gjithëpërfshirëse dhe me njohjen e ndërsjellë në qendër”, ka shkruar Krasniqi.
Tutje, kreu i PDK-së ka theksuar se përkundër ndihmës së opozitës, kryeministri Kurti ka dështuar që t’i përmbush qëllimet e shtetit të Kosovës.
“Përkundër mbështetjes që PDK i ka dhënë Kryeministrit Kurti për dy vjet me radhë në procesin e dialogut dhe në raport me Serbinë, përmes gabimeve e veprimeve kryeneqe dhe në shpërputhje me kontekstin politik, ai ka dështuar që të arrijë përmbushjen e qëllimeve shtetërore të Republikës së Kosovës”, ka thënë ai.
Në fund, ai është shprehur se PDK-ja “gjithmonë do të veprojë në përputhje ne interesin shtetëror dhe qytetar të Kosovës”./arbresh.info
Horoskopi sot, parashikimi i yjeve për shenjën tuaj
Barcelona nuk e harron Nico Williamsin, ia premton edhe fane...
KQZ mban sot mbledhje, shqyrton dizajnin e fletëvotimeve
Njëvjetori i rënies heroike, Haradinaj bën homazhe tek varri...
Kush dhe çka e mbron Radoiçiqin në Serbi?
Pentagoni dërgon trupa shtesë në Lindjen e Mesme mes rritjes...