Google ADS

Real Madridi fiton ndaj Espanyolit, i afrohet Barçës

16:22 | 11 Mars 2023
A. B.

Real Madridi ka shënuar fitore me përmbysje rezultati 3:1 në shtëpi ndaj Espanyolit, në kuadër të javës së 25-të në La Liga.

Ishin mysafirët që kaluan të parët në epërsi me golin e Joselu në minutën e tetë të ndeshjes.

Por, “Los Blancos” përmbysën gjithçka brenda 45 minutave të parë.

Ishte Vinicius Junior që pas një super depërtimi barazoi shifrat në minutën e 22-të.

Kurse në të 39-tën një super asistim me të jashtëm nga Tchouameni, e gjeti kokën e Militaos, i cili pas shkëputjes së lartë, e dërgoi topin në rrjetë.

Në minutat shtesë, Asensio shënoi për rezultatin 3:1.

Me këtë fitore, tani madrilenët kanë 56 pikë në vendin e dytë, gjashtë më pak se Barcelona që luan nesër.

Në anën tjetër, Espanyol mbetet i 13-ti me 27 pikë. /GE/

Shpërndaje në rrjete sociale

Lajmet më të lexuara

Të ngjashme

Foto lajm