Google ADS

Derbi Drita – Gjilani luhet të dielën pa praninë e tifozëve

17:59 | 10 Mars 2023
K.B

Kryendeshja e javës së 25-të në Superligën e Kosovës në futboll mes Dritës dhe Gjilanit do të zhvillohet të dielën.

Stadiumi ndihmës me bari sintetik në Gjilan është vendtakim i dy rivalëve të përbetuar lokal me fillim nga ora 13:00.

Drita, klubi nikoqir në këtë ballafaqim ka konfirmuar zyrtarisht se derbi i Anamoravës do të zhvillohet pa praninë e tifozëve për shkak të kushteve të sigurisë.

“Për shkak të kushteve të sigurisë dhe hapësirës së kufizuar që ofron stadiumi sintetik, në bashkëpunim me Policinë e Kosovës është vendosur që ndeshja të zhvillohet pa praninë e tifozëve” – thuhet në njoftimin zyrtar të Dritës.

Shpërndaje në rrjete sociale

Lajmet më të lexuara

Të ngjashme

Foto lajm