Mbrojtësi brazilian, Danilo ka rënë dakord për një zgjatje të re të kontratës, e cila do ta mbajë atë të lidhur me Juventusin deri në verën e vitit 2025.

Në internet, Juventusi ka identifikuar tre fjalë për të përshkruar mbrojtësin e tyre me ndikim: “Shpirt. Luftëtar. Lider.”

“Që nga ardhja e tij në Juventus në gusht 2019, lidhja e tij me ngjyrat tona ishte e menjëhershme. Ai është bërë një pikë referimi dhe që sot lidhja e tij me fanellën tonë bëhet edhe më e fortë”, thuhet në njoftimin e Juventusit.

31-vjeçari iu bashkua Zonjës së Vjetër nga Manchester City në vitin 2019 në një marrëveshje të pjesshme shkëmbimi që përfshinte Joao Cancelo duke lëvizur në drejtimin tjetër.

OFFICIAL | @2DaniLuiz renews until 2025 ⚪️⚫

— JuventusFC 🇬🇧🇺🇸 (@juventusfcen) March 2, 2023

Që atëherë, Danilo ka regjistruar 142 paraqitje në të gjitha garat me Bianconerët, duke përfshirë 128 ndeshje si titullar dhe 102 ndeshje në Serie A.

Danilo gjithashtu ka kontribuar me tetë gola gjatë kohës së tij në Torino, ku i fundit ishte në pjesën e parë të fitores 4-2 ndaj Torinos në Derby della Mole.

Së bashku me Filip Kostic, Danilo është paraqitur në çdo ndeshje të ligës së Juves deri më tani këtë sezon.

Testi i radhës i Danilos dhe Juves është në Stadio Olimpico të dielën, ku ata do të përballen me Romën në një betejë potencialisht vendimtare në garën për kualifikimin evropian. /Telegrafi/

🇧🇷 @2DaniLuiz‘s Bianconero story continues 🤍🖤 pic.twitter.com/Pj3O83DbMd

— JuventusFC 🇬🇧🇺🇸 (@juventusfcen) March 2, 2023