Google ADS

Polonia akuzon Rusinë për sulm kibernetik

12:27 | 1 Mars 2023
A. B.

Një zyrtar i qeverisë polake ka akuzuar Rusinë për një sulm kibernetik që bllokoi aksesin e përdoruesve në sistemin e taksave, pasi tensionet midis Varshavës dhe Moskës vazhdojnë të rriten për shkak të luftës në Ukrainë.

“Rusët janë përgjegjës për sulmin e djeshëm. Ne kemi informacione që e konfirmojnë diçka të tillë,” sipas Janusz Cieszynski, një zyrtar qeveritar përgjegjës për dixhitalizimin.

Ambasada ruse në Varshavë nuk iu përgjigj menjëherë një kërkese për koment të dërguar me email nga Reuters.

Cieszynski tha se sulmi konsistonte në bllokimin e shërbimit por që të dhënat e taksapaguesve nuk u zbuluan.

“Ky është një sulm që bllokon aksesin në faqe, por nuk bllokon sigurinë dhe nuk i vë në rrezik të dhënat tona,” theksoi ai.

 

Shpërndaje në rrjete sociale

Lajmet më të lexuara

Të ngjashme

Foto lajm