Google ADS

Turqia ndalon disa gazetarë që raportuan për tërmetin

09:10 | 25 Shkurt 2023
K.B

Gazetari i pavarur turk Mir Ali Koçer ndodhej 300 kilometra nga epiqendra kur Turqia u godit nga tërmeti masiv më 6 shkurt. Ai mori kamerën dhe mikrofonin dhe menjëherë shkoi në regjionin e prekur për të intervistuar të mbijetuarit.

Ai i ndau storiet e të mbijetuarve dhe të shpëtimtarëve në Twitter, kurse tash po hetohet me dyshime për shpërndarje të lajmeve të rreme (fake news) dhe mund të dënohet deri në tre vjet burg.

Koçer është një nga më së paku katër gazetarë, të cilët po hetohen për raportim ose komentim për tërmetin, shkruan BBC.

Grupet për lirinë e shtypit thonë se dhjetëra gazetarë tjerë janë ndaluar, abuzuar ose penguar të raportojnë.

Së paku 50 mijë njerëz vdiqën nga goditja e tërmetit në Turqi dhe Siri.

Kurse, autoritetet turke nuk kanë komentuar për këto ndalime të gazetarëve.

Shpërndaje në rrjete sociale

Lajmet më të lexuara

Të ngjashme

Foto lajm