Ministria e Financave: Çdo punëdhënës obligohet që në 50 të punësuar, ta punësoj edhe një person me aftësi të kufizuar

15:14 | 23 Shkurt 2023
A. B.

Ministria e Financave, Punës dhe Transfereve ka bërë të ditur se bazuar në Ligjin për Aftësimin, Riaftësimin Profesional dhe Punësimin e Peronave me Aftësi të Kufizuara, punëdhënësit obligohen që për çdo 50 të punësuar, të punësojnë së paku një person me aftësi të kufizuara.

“Punëdhënësit nga sektori publik, privat dhe organizatat jo-qeveritare të cilët nuk e përmbushin obligimin ligjor për punësimin e personave me aftësi të kufizuara obligohen që për nxitjen e punësimit të kësaj kategorie, të paguajnë kontribute mujore në lartësi të shumës së pagës minimale”,thuhet në njoftimin për media.

Po ashtu është theksuar se Ministria për Financa, Punë dhe Transfere mbetet e përkushtuar për të krijuar qasje të barabartë në tregun e punës për të gjitha kategoritë shoqërore.

“Kontributet mujore paguhen në llogarinë e veçantë në Thesar, sipas të dhënave të mëposhtme”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm