Çitaku: Të hënën Kurti e nënshkruan “Zajednicën”

10:17 | 23 Shkurt 2023
Emir Abduramani

Nënkryetarja e PDK-së, Vlora Çitaku, ka thënë se në takimin e 27 shkurtit të hënën, kryeministri Kurti do ta nënshkruajë Asociacionin e komunave me shumicë serbe, “apo Zajednicën siç e quante dikur”.

Në një postim në Facebook, Çitaku ka shkruar se Kurti të hënën do të nënshkruajë dhënien e statusit politik Kishës Ortodokse Serbe si dhe do ta vazhdojë dialogun edhe për 10 vite të tjera, përcjell arbresh.info.

“Të hënën Kryeministri Kurti do të nënshkruaj zotimin e tij për të vazhduar dialogun edhe për një dekadë. Të hënën Kryeministrk Kurti do të nënshkruaj asociacionin, apo Zajednicën siç e quante dikur. Të hënën Kryeministri Kurti do të nënshkruaj zotimin për t’i dhënë Kishës Ortodokse Serbe status politik.”, ka shkruar ajo.

Numri dy i PDK-së ka thënë gjithashtu se plani franko-gjerman është produkt i negociatave të kryeministrit Kurti për dy vjet.

Ajo theksoi se të hënën ai do nënshkruajë marrëveshjen për armëpushim, e jo marrëveshjen finale Kosovë-Serbi./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm