Në Serbi, shoqëria civile po konsideron se arritja e një marrëveshjeje dhe njohja e Kosovës, është kusht para anëtarësimit të këtij vendi në BE.
Sipas shoqërisë civile në Serbi, kërkesa për të mos e kundërshtuar anëtarësimin e Kosovës në organizata ndërkombëtare është thelbi i propozimit franko-gjerman, i cioli sipas tyre, është i pandryshueshëm.
Në konferencën e Konventës Kombëtare për Bashkimin Evropian është theksuar se pëlqimi i Serbisë për një lloj subjektiviteti juridik të Kosovës dhe kërkesa për të mos kundërshtuar hyrjen e saj në organizatat ndërkombëtare është thelbi i propozimit franko-gjerman.
Sipas vlerësimeve, këto janë negociata kyçe, pas të cilave do të mbetet vetëm të negociohet njohja dhe zbatimi i marrëveshjes.
“Kushti që Serbia të njoh Kosovën para hyrjes në BE nuk është i vjetër, kjo është kërkesa e Gjermanisë dhe vendeve të tjera të BE-së. Kjo është e qartë edhe për Beogradin zyrtar, që në ditën e hyrjes në BE, Serbia duhet ta njoh Kosovën, mirëpo ky është një proces, i cili mund te zgjate prej 7 deri ne 10 vjet”, deklaroi Dragisha Mijaçiq nga Grupi Punues i KKBE, raporton rtk.
Arritja e marrëveshjes shihet si agjendë për stabilitetin e rajonit.
Bojana Sellakoviq nga Konventa Kombëtare për Bashkimin Evropian, thotë se nuk ka alternativë ndaj këtij plani, këtë nuk ka as Serbia, as Kosova dhe as BE-ja në këtë moment.
“Dhe diku tani interesat janë përputhur sepse për shkak të situatës gjeopolitike duhet të sigurohet stabiliteti në këtë pjesë të Evropës, dhe se problemi i Beogradit dhe Prishtinës paraqet kërcënimin më të madh ndaj atij stabilizimi”, tha Sellakoviq.
Sipas përfaqësueseve të shoqërisë civile, propozimi franko-gjerman nuk do të ndryshohet, ndërsa vetëm po negociohen detajet e vogla, siç është fjalori që do t’u përshtatet palëve.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...