Roma i ka dhënë Nicolo Zaniolo miratimin për të fluturuar në Stamboll për të përfunduar transferimin e tij në Galatasaray.
Sulmuesi 23-vjeçar italian ka udhëtuar mëngjesin e sotëm drejt Milanos për t’u përgatitur për udhëtimin në Stamboll dhe ka qëndruar në një hotel, duke pritur që dy klubet të finalizojnë detajet e kalimit të tij në Superligën e Turqisë.
Galatasaray thuhet se ka rënë dakord të paguajë Romën mbi 20 milionë euro në total dhe 15 milionë euro bonuse për Zaniolo, i cili do të ketë një klauzolë lirimi prej 35 milionë euro në kontratën e tij, shkruan telegrafi.
Giallorossët gjithashtu kanë një klauzolë për rishitjen e lojtarit e cila shkon në 15 për qind të shumës, duke i lejuar ata të përfitojnë edhe 5.25 milionë euro nëse klauzola e lirimit të italianit aktivizohet.
Sipas Gianluca Di Marzios, Roma e ka informuar Zaniolon se mund të marrë fluturimin e tij privat për në Stamboll, ku ai do të kryejë testet e zakonshme mjekësore para transferimit me Galatasaray.
Ai në klubin turke do të fitojë rreth 3.5 milionë euro neto në sezon.
Me transferimin e italianit, skuadra ku luan edhe Milot Rashica, do të ketë një skuadër të fortë, që do të jetë e denjë të luftojë edhe në Evropë.
Sulmi do të përbëhet nga emra si Dries Mertens, Mauro Icardi, Muhammed Kerem Aktürkoğlu dhe Nico Zaniolo.
Rashicës i mbetet të luftojë për një vend në formacionin bazë.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...