Google ADS

Aksident në autostradën “Ibrahim Rugova”, lëndohet një person

09:46 | 7 Shkurt 2023
A. B.

Mëngjesin e sotëm ka ndodhur një aksident në autostradën “Ibrahim Rugova”, saktësisht në hyrje-dalje, në fshatin Trudë.

Lajmin për arbresh.info e ka konfirmuar zëdhënësi i Policisë së Kosovës, Baki Kelani, e cili deklaroi se si pasojë e aksidentit ku janë të përfshira dy vetura, një person ka pësuar lëndime trupore dhe i njëjti është dërguar për tretman mjekësor.

Rasti është duke u trajtuar nga Njësia e Hetimeve të aksidenteve në Njësinë për Kontrollin e Autostradave.

“Me datën 07.02.2023 rreth orës 07:20 në autostradën “Ibrahim Rugova” saktësisht në Hyrje-Dalje në fshatin Trudë, ka ndodhur aksident trafiku ku janë përfshirë dy vetura me tabela vendore. Si pasojë e këtij aksidenti është lënduar një person i cili është dërguar për tretman mjekësor. Rasti është duke u trajtuar nga Njësia e Hetimeve të aksidenteve në Njësinë për Kontrollin e Autostradave”, theksoi Kelani. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm