Google ADS

Arteta dhe Rashford zgjidhen më të mirët e muajit në Ligën Premier

14:59 | 3 Shkurt 2023
A. B.

Trajneri i Arsenalit, Mikel Arteta dhe sulmuesi i Manchester Unitedit, Marcus Rashford kanë fituar çmimet kryesore të muajit janar në Ligën Premier.

Muaji janar ishte plot aksion në kampionatin elitar anglez, pasi pati shumë ndeshje interesante.

Megjithatë, pati edhe nga ata që shkëlqyen me paraqitje individuale dhe dërguan ekipet e tyre drejt sukseseve.

I tillë ishte sulmuesi i Djajve të Kuq, Rashford, i cili nga katër ndeshje të zhvilluara, ia siguroi dy fitore ekipit të tij, pasi shënoi tri gola.

Me këto statistika, Rashford arriti të zgjidhet lojtari më i mirë i muajit janar.

Në anën tjetër, trajneri më i mirë për muajin janar u zgjodh Arteta i Arsenalit, i cili ia siguroi ekipit të tij dy fitore dhe një barazim nga tri ndeshje. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm