Kriza globale, Arabia Saudite jep 50 milionë dollarë grant për Shqipërinë

21:22 | 1 Shkurt 2023
KRG

Ambasada e Mbretërisë së Arabisë Saudite në Tiranë, njoftoi sot lëvrimin e një granti me vlerë 50 milionë USD nga Mbretëria e Arabisë Saudite për Republikën e Shqipërisë.

Pas takimit që mblodhi së bashku Ambasadorin e Mbretërisë së Arabisë Saudite dhe Ministren e Financave dhe Ekonomisë, Delina Ibrahimaj në selinë e Ministrisë, ambasadori deklaroi se, ky grant i pakthyeshëm, vjen në kuadër të miqësisë së ngushtë mes dy vendeve dhe vullnetit të qeverisë së Mbretërisë së Arabisë Saudite për t’i qëndruar pranë Republikës mike të Shqipërisë dhe për të mbështetur zhvillimin e saj në dritën e situatës aktuale ekonomike që po kalon Shqipëria, për shkak të krizës globale energjetike dhe presioneve inflacioniste.

Ambasadori vlerësoi gjithashtu nivelin e marrëdhënieve mes dy vendeve dhe popujve, duke i uruar Republikës së Shqipërisë më shumë përparim dhe prosperitet./ATSH

Shpërndaje në rrjete sociale

Lajmet më të lexuara

Të ngjashme

Foto lajm