Presidenti ukrainas, Volodymyr Zelensky, sot feston ditëlindjen e 45-të.
Zelensky, i cili shërben si presidenti i gjashtë i Ukrainës që nga viti 2019, u bë shumë i njohur për të gjithë botën pas fillimit të agresionit rus në Ukrainë më 24 shkurt të vitit të kaluar.
I pari i Ukrainës, përpara se të bëhej president, me profesion ishte komedian, i cili pati krijuar një kompani prodhimi të emëruar si “Kvartal 95”, kompani kjo që prodhonte filma, filma vizatimorë dhe shfaqje televizive, duke përfshirë serialin televiziv “Shërbëtori i Popullit”, në të cilin Zelensky luajti rolin e presidentit ukrainas.
Zelensky shpalli kandidaturën e tij në zgjedhjet presidenciale 2019 në mbrëmjen e 31 dhjetorit 2018, krahas fjalimit të Vitit të Ri të presidentit të atëhershëm Petro Poroshenko në kanalin televiziv 1+1.
Si i huaj në politik, ai ishte bërë tashmë një nga kandidatët kryesorë në sondazhet e opinionit për zgjedhjet. Ai fitoi zgjedhjet me 73.23 për qind të votave në raundin e dytë, duke mundur Poroshenkon.
Kujtojmë se ndonëse në luftë përballë Rusisë, Zelenskyt i është ofruar mundësia që qysh në shkurt të vitit të kaluar ai ta lë Ukrainën për shkaqe sigurie, por një gjë e tillë ishte refuzuar nga vetë ai, ndërsa në vitin 2022, Zelensky është shpallur si personi i vitit, teksa sondazhet e opinionit në Ukrainë e kanë rënditur atë si presidentin më të madh të Ukrainës.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite