Google ADS

Veriu i Shqipërisë ‘pushtohet’ nga dëbora

08:13 | 23 Janar 2023
Vjollca Gajraku

Veriu i Shqipërisë është pushtuar jo vetëm nga reshjet e shiut por sidomos gjatë fundjavës ka pasur dhe ulje të temperaturave dhe shtim të reshjeve të dëborës.

Zona e Thethit, Valbonës, Pukës apo edhe të tjera për rreth kanë pasur vështirësi me qarkullimin për shkak të trashësisë së dëborës.

Disa zona kanë mbetur pa energji elektrike, e ku disa rrugë janë bllokuar nga dëbora.

Reshjet e dëborës kanë shkaktuar situatë më problematike në qarkun e Shkodrës. Aksi Bogë-Theth është i bllokuar te zona e orteqeve. Trashësia e dëborës ka arritur nga 80 cm-1 metër.

Orteqet kanë rënë edhe në fillim të qafës së Thorës dhe ndërhyrja me mjete kontraktorë është e vështirë nëse nuk pushojnë reshjet pasi rrezikohen punëtorët. Ndërkohë aksi Hani Hotit-Tamarë nuk ka probleme dhe qarkullimi kryhet normal.

Edhe aksi Tamarë-Vermosh është i hapur por për qarkullim duhet që mjetet të kenë goma dimërore dhe përdorimi i zinxhirëve në segmente të pjerrëta./en

Shpërndaje në rrjete sociale

Lajmet më të lexuara

Të ngjashme

Foto lajm