Google ADS

Zgjedhjet presidenciale në Mal të Zi mbahen në mars

15:52 | 16 Janar 2023
KRG

Kryetarja e Parlamentit të Malit të Zi, Danijela Gjuroviq, ka shpallur zgjedhjet presidenciale malazeze më 19 mars.

“Kryetari i Kuvendit është i autorizuar dhe i obliguar që t’i shpallë zgjedhjet për president të Malit të Zi jo më vonë se 120 ditë para përfundimit të mandatit të presidentit të Malit të Zi”, tha Gjuroviq.

Mandati aktual i presidentit të Malit të Zi, Millo Gjukanoviq, nisi më 20 maj 2018.

Në mënyrë që një kandidat të fitojë në rundin e parë të zgjedhjeve presidenciale, ai duhet të marr mbi 50 për qind të votave.

Rundi i dytë i zgjedhjeve mbahet pas dy javësh, nëse asnjëri prej kandidatëve nuk i fiton më tepër se gjysmën e votave.

Herën e fundit, zgjedhjet presidenciale në Mal të Zi u mbajtën më 15 prill 2018.

Para Millo Gjukanoviqit, president i Malit të Zi për tri mandate ishte Filip Vujanoviq, nga viti 2003 deri në vitin 2018.

Para Vujanoviqit, nga 1997 deri në nëntor të vitit 2002 president ishte Gjukanoviqi./REL/

Shpërndaje në rrjete sociale

Lajmet më të lexuara

Të ngjashme

Foto lajm