Google ADS

Sekretari i VV-së jep dorëheqje nga pozita në KQZ

18:20 | 13 Janar 2023
E.H

Sekretari i Lëvizjes Vetëvendosje, Alim Rama, ka dhënë dorëheqje nga pozita e anëtarit në Komisionin Qendror të Zgjedhjeve.

Lajmi për arbresh.info e ka konfirmuar këshilltari për media i Presidencës, Bekim Kupina.

Kupina ka thënë se presidentja, Osmani, është informuar për këtë dorëheqje dhe ka marrë vendim për lirimin e tij nga detyra.

“Presidentja është informuar lidhur me dorëheqjen e z.Alim Rama nga pozita e anëtarit në KQZ. Pas kesaj, Presidentja ka marrë vendim për lirim të tij nga detyra dhe në ditët në vijim, bazuar në afatet ligjore do të bëhet zëvendësimi i anëtarit në KQZ”, ka thënë Kupina.

Një ditë më parë, Eugen Cakolli nga Instituti Demokratik i Kosovës e quajtur të kundërligjshme situatën në të cilën Rama ishte pjesë e KQZ-së edhe pse ishte emëruar në pozitën e sekretarit organizativ të VV-së.

Ai ka kritikuar presidenten Vjosa Osmani se për tre muaj ka toleruar këtë situatë.

Shpërndaje në rrjete sociale

Lajmet më të lexuara

Të ngjashme

Foto lajm