I dënuar dy herë për vrasje, arrestohet 49-vjeçari me rrezikshmëri të lartë në Fier

09:22 | 5 Janar 2023
A. B.

Policia e Fierit ka njoftuar sot se ka arrestuar një 49-vjeçar me rrezikshmëri të lartë shoqërore në fushën e krimeve kundër personit.

Në fshatin Hoxharë u bë kapja dhe arrestimi në flagrancë i shtetasit me iniciale Sh.K., banues në Fier.

Ky person ka qenë i dënuar dy herë më parë për vrasje dhe për vrasje të mbetur në tentativë. Gjatë kontrollit, shërbimet e Policisë gjetën dhe sekuestruan në cilësinë e provës materiale 1 armë zjarri pistoletë me fishek në fole, gati për qitje, dhe një krehër me municion luftarak.

Materialet i kaluan Prokurorisë pranë Gjykatës së Rrethit Gjyqësor Fier, për veprime të mëtejshme.

Shpërndaje në rrjete sociale

Lajmet më të lexuara

Të ngjashme

Foto lajm