Tre vetura janë përfshirë nga zjarri ndërsa dy të tjera janë dëmtuar në orët e para të ditës së marte në rrugën “Qerim Muriqi” në Pejë.
Nga ky rast janë shkaktuar mijëra euro dëme.
Lajmin për arbresh.info e ka konfirmuar zëdhënësi i Policisë së Kosovës për Rajonin e Pejës, Fadil Gashi.
Gashi tha se nga zjarri janë dëmtuar gjithsejt pesë vetura.
Ai theksoi janë intervistuar pronarët e këtyre veturave derisa rasti po cilësohet si “zjarrvënie”.
“Policia është informuar rreth orës 03:54 se në rrugën “Qerim Muriqi” janë djegur disa vetura. Si pasojë e zjarrit janë djegur tre vetura derisa nga zjarri janë dëmtuar gjithsejt pesë vetura. Janë intervistuar pronarët e veturave. Rasti po hetohet nga njësitet kompetente dhe po cilësohet si “zjarrvënie”. Jemi në pritje të raportit të ekspertit të zjarreve, për të parë shkaktarin e rastit”, tha Gashi./arbresh.info/
46 aksidente trafiku brenda 24-orëve
Dëmtohet një varrezë në Fushë Kosovë, policia po heton rasti...
Të shtëna me armë zjarri në Prishtinë, arrestohet një person
Gjendet në rrugë pa shenja jete një person në Gjilan
Nën kërcënimin e mjetit të ftohtë, grabitet një pompë e deri...
Messi i jashtëzakonshëm, shënon het-trik brenda 11 minutave ...