Google ADS

Akte vandalësh në Korçë, dëmtohen skulpturat e parkut

11:19 | 27 Dhjetor 2022
A. B.

Persona të paidentifikuar ende kanë dëmtuar skulpturat e parkut të qytetit të Korçës. Burime bëjnë me dije se dëmtimi i tyre ka ndodhur në orët e para të mëngjesit të sotëm.

Sipas informacioneve janë dëmtuar dy prej skulpturave të bllokut muzeal që ndodhet në hyrje të parkut. Kanë qenë punonjësit e ndërmarrjes së shërbimeve publike ata që kanë konstatuar dëmtimin e skulpturave, raporton A2 CNN.

Njoftimin e ka marrë edhe policia e Korçës, të cilët kanë filluar hetimin për rastin duke krehur zonën dhe duke parë nëse ka kamera sigurie në zonë, për të bërë të mundur kapjen e autorëve.

Nuk është hera e parë që skulpturat e parkut bien pre e dëmtimeve nga persona të papërgjegjshëm.

Shpërndaje në rrjete sociale

Lajmet më të lexuara

Të ngjashme

Foto lajm