Google ADS

Lufta në Ukrainë, Zelensky: Rusët po vrasin për të ngjallur frikë dhe për kënaqësi

23:20 | 24 Dhjetor 2022
E.H

Në një mesazh drejtuar popullit ukrainas, presidenti Volodymyr Zelensky u shpreh se tashmë lufta ka hyrë në një fazë të re dhe akuzoi trupat ruse se po vrasin civilë të pafajshëm për të ngjallur frikë, por edhe thjesht për kënaqësi.

Në këtë mënyrë, lideri ukrainas iu referua ngjarjes së fundit në Kherson, ku trupat armike vranë 7 persona dhe plagosën 58 të tjerë, në një ngjarje që sipas tij nuk kishte të bënte fare me luftën.

Presidenti ukrainas e shoqëroi mesazhin e tij me foto nga vendngjarja, ku shfaqeshin makina të djegura, dhe trupa njerëzish të vdekur.

“Rrjetet sociale me shumë gjasa do t’i shënojnë këto foto si me përmbajtje të ndjeshme. Por ato nuk janë ashtu është jeta reale e Ukrainës dhe ukrainasve”, shkroi presidenti.

Më herët, Ministria britanike e Mbrojtjes bëri me dija se Rusia po përballet me mungesë municionesh dhe për këtë arsye po përhap panik si të jetë e mundur./A2/

Shpërndaje në rrjete sociale

Lajmet më të lexuara

Të ngjashme

Foto lajm