Kryetari i Kuvendit, Talat Xhaferi në emër të deputetëve në Kuvendin e Republikës së Maqedonisë së Veriut dhe në emrin tim personal t’ju drejtoj urime për festën e madhe krishtere – Krishtlindjen të gjithë qytetarëve që e kremtojnë festën sipas kalendarit gregorian.

“Gëzimi që e sjell festa e Krishtlindjes, fuqia e saj për bashkimin e familjeve, fqinjëve, miqve dhe bashkëpunëtorëve në jetë është edhe një mundësi për të gjithë ne të lejojmë të dalë nga ne më e mira, humanja dhe njerëzorja. Ta shtrijmë dorën, ta hapim mendjen dhe zemrën, sepse vetëm atëherë mundemi të prekim zemrat dhe shpirtrat e të tjerëve, të depërtojmë në mendjet e tyre dhe të kuptojmë se në thelb, të gjithë ne jemi një, qenie njerëzore, të pafuqishëm kur jemi vetëm por, të pandalshëm kur bashkohemi. Vetëm atëherë nuk do i shohim dallimet artificiale që na përçajnë, nuk do të jemi plot paragjykime dhe të vete pëlqyer dhe do të kuptojmë se të gjithë jemi njerëz”, thekson Xhaferi në urim.

Ai dëshiron që festa të mbjellë paqe dhe qetësi në shpirt, mendime të bukura dhe fisnike dhe le të pushojë zëri i mosrespektimit, i mosbesimit ndërmjet nesh dhe përreth nesh, në fqinjësi dhe në botë. Dialogu, marrëveshja dhe arsyeja le të kenë gjithmonë përparësi para zërit të dhunës.

“Të nderuar qytetarë, më lejoni edhe njëherë të uroj festën dhe t’ju uroj ti kaloni ditët festive të rrethuar me më të afërmit e juaj, në ngrohtësinë e shtëpive tuaja, me shëndet të mirë dhe mirëqenie familjare, përplot frymë festive”, shton kryetari i Kuvendit në urim.

Kuvendi i Maqedonisë së VeriutTalat Xhaferi