Google ADS

Haradinaj: Marrëdhëniet me Izraelin janë të një rëndësie të veçantë e strategjike

23:20 | 20 Dhjetor 2022
E.H

Kreu i Aleancës për Ardhmërinë e Kosovës, Ramush Haradinaj, ka marrë pjesë në ceremoninë tradicionale të ndezjes së qirinjve të festës së Hanukkah, me ftesë të ambasadores së Izraelit në Kosovë, Sh.S. Tamara Ziv.

Haradinaj përmes një postimi në Facebook tha se Kosova dhe Izraeli janë popuj që ndajnë histori të cilët mes dhimbjeve e gjenocidit, gjetën shpresë, fuqi e dritë.

“Me ftesë të ambasadores së Izraelit në Kosovë, Sh.S. Znj. Tamara Ziv, mora pjesë në ceremoninë tradicionale të ndezjes së qirinjve të festës së Hanukkah. Marrëdhëniet me Izraelin janë të një rëndësie të veçantë e strategjike”, shkroi Haradinaj.

“Kosova dhe Izraeli janë popuj që ndajnë histori të cilët mes dhimbjeve e gjenocidit, gjetën shpresë, fuqi e dritë. Njohja nga Izraeli vazhdon të mbetet kryelajmi i politikës sonë të jashtme tash e 2 vjet. Shembulli i zhvillimit të Izraelit duhet të jetë inspirim për Kosovën tonë”, ka thënë Haradinaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm