Kryeministri i Republikës së Kosovës, Albin Kurti priti sot në takim ministrin për Evropë të Mbretërisë së Bashkuar, Leo Docherty, i cili po qëndron në Kosovës në një vizitë zyrtare.
Duke folur për marrëdhëniet e shkëlqyera ndërmjet Kosovës dhe Mbretërisë së Bashkuar, kryeministri Kurti shprehu falënderimin e tij për ndihmën e mbështetjen e hershme dhe të vazhdueshme të Mbretërisë së Bashkuar për çlirimin, shtetndërtimin, zhvillimin dhe avancimin e Kosovës.
Përmes një komunikate për media nga Zyra e Kryeministrit bëhet e ditur se në këtë mes, u theksua përkrahja e Mbretërisë së Bashkuar për anëtarësimin e Kosovës në organizata ndërkombëtare dhe bashkëpunimi i mirë në fushën e sigurisë.
Ndër të tjerash, Kurti e njoftoi ministrin Docherty me zhvillimet e fundit, ku veçoi dorëzimin e aplikimit të Kosovës për anëtarësim në Bashkimin Evropian dje në Pragë, të arriturat e qeverisë, reformat e deritanishme dhe indikatorët ekonomikë dhe demokratikë të vendit.
Në takim, Kurti u shoqërua nga zëvendësministri i Punëve të Jashtme dhe Diasporës, Kreshnik Ahmeti, ndërkaq ministri Docherty u shoqërua nga ambasadori i Mbretërisë së Bashkuar në Kosovë, Nicholas Abbott dhe udhëheqësja e Departamentit për Ballkanin Perëndimor në Ministrinë e Punëve të Jashtme të Mbretërisë së Bashkuar, Madeline Knox./arbresh.info/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...