Ministri Aliu del me reagim për “Calin”: Dënim i rëndë dhe i pamerituar

13:34 | 16 Dhjetor 2022
K.B

Ministri i Mjedisit, Liburn Aliu ka reaguar pas dënimit të Salih Mustafës me 26 vite burgim nga Gjykata Speciale.

Aliu e ka quajtur këtë dënimin si të rëndë dhe të pamerituar.

Sipas tij kjo është një padrejtësi e madhe ndaj gjithë vendit tonë.

“Sot mori një dënim të rëndë dhe të pamerituar ish-komandanti i Ushtrisë Çlirimtare të Kosovës, Salih Mustafa – Cali, i cili luftoi për çlirimin e vendit nga pushtimi serb. Ne kemi qenë kundër Gjykatës Speciale kur themelimi i saj u propozua në Kuvend atëherë, dhe sot po kuptohet, fatkeqësisht, se kishim të drejtë. Plot 26 vite dënim, për njeriun i cili i doli në mbrojtje vendit të tij. Kjo është një padrejtësi e madhe ndaj gjithë kombit tonë.  Lavdi luftës së pastër e të shenjtë të UÇK-së. Liri për çlirimtarin, që gjithë jetën e tij e vuri në shërbim të luftës për liri! Liri për komandant Calin” shkruan Aliu në reagim. /arbresh.info/

lexo edhe:

LAJMI I FUNDIT: Specialja e dënon Salih Mustafën me 26 vjet burgim

 

Shpërndaje në rrjete sociale

Lajmet më të lexuara

Të ngjashme

Foto lajm