Pas amerikanit Gabriel Escobar, i cili po qëndron në Kosovë, nesër në Prishtinë pritet të qëndroj edhe evropiani Mirosllav Lajçak, i dërguari i BE-së për dialogun Kosovë – Serbi.
Ardhjen e këtij të fundit e ka paralajmëruar kryediplomati i Bashkimit Evropian, Josep Borrell, i cili tha se Lajçak do të vizitojë Beogradin e Prishtinën, për të gjetur mënyrën për uljen e tensioneve.
Sipas Borrell, situata në veri të Kosovës ka qenë temë diskutimi në takimin e djeshëm të ministrave të Jashtëm të Bashkimit Evropian. Borell, konfirmoi gatishmërinë e BE-së që në rast nevoje të dërgojë përforcim për misionin e EULEX-it në Kosovë.
Shefi i BE-së, situatën në Kosovë e cilësoi të rrezikshme, ndërsa sulmet ndaj EULEX-it i vlerësoi si të papranueshme.
Ardhja e dy emisarëve, pason tensionimin e situatës në veri, me ngritje barrikadash nga serbët lokalë dhe kundërshtimin e zgjedhjeve për kryetarë komunash. Situata ka eskaluar kryesisht nga data 6 dhjetori, ku janë shënuar një sërë incidentesh të armatosura, ku përveç Policisë së Kosovës është sulmuar edhe policia e EULEX-it.
Autoritetet në Kosovë thanë se ish-polici, Dejan Pantiq, dyshohet se ka organizuar sulmin terrorist ndaj zyrave të KQZ-së në veri. Ndaj tij u caktua një muaj paraburgim më 12 dhjetor, ndërsa reagime pati edhe në Beograd. Vet presidenti serb, Aleksander Vuçiq kka thënë se barrikadat hiqen nga rrugët kur të burgosurit lirohen./rtk/
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...
Fushata zgjedhore/ Trump rikthehet në vendin ku iu bë atenta...
Moment emocionues/ Kroos i pranishëm në “Santiago Bernabeu”,...
Shtatë persona u lënduan nga një aksident në rrugën Mitrovic...
Real Madrid rikthehet tek fitorja mposht Villarealin