Lionel Messi shfaqi një festim të ri pasi shënoi në fitoren e Argjentinës në çerekfinalen e Kampionatit Botëror ndaj Holandës – por ju ndoshta nuk e dini kuptimin e saj.

Shtatë herë fituesi i Topit të Artë luajti një rol jetik në stadiumin Lusail të premten në mbrëmje, duke asistuar te Nahuel Molina që shënoi në pjesën e parë.

Messi dyfishoi epërsinë e Argjentinës nga penalltia në pjesën e dytë, pasi Denzel Dumfries bëri ndërhyrje të palejueshme në Marcos Acunan.

Ai nuk bëri asnjë gabim, duke e lënë portierin Andries Noppert të shtangur në portë. Superylli i Paris Saint-Germain më pas festoi, duke u drejtuar tek bankina e Holandës.

Messi vendosi duart pas veshëve të tij, ndërsa mijëra tifozë të Argjentinës lëshuan një brohoritje të madhe.

Ai u zhyt në përkëdheljet si dhe nga vështrimi i tërbuar i Van Gaal. Ai e dinte se një tjetër lojtar kishte festuar para tij në mënyrë të tillë.

Në vitin 2002, Van Gaal u kthye në Barcelonë për një periudhë të dytë fatkeqe si trajner. Holandezi qëndroi gjysmë sezoni përpara se të shkarkohej në janar të vitit 2003, me Barcelonën që gjendej në vendin e 12-të.

Në Camp Nou gjatë asaj kohe ishte Juan Riquelme, i cili zëvendësoi Rivaldon në të njëjtën verë që erdhi Van Gaal.

Riquelme konsiderohet si një nga mesfushorët më të mëdhenj të gjeneratës së tij dhe një nga lojtarët më të mirë argjentinas ndonjëherë.

Pavarësisht se kushtoi 15 milionë euro, Van Gaal nuk ishte një fans i Riquelmes dhe e quajti atë një “nënshkrim politik” pas përplasjes së tij publike me Rivaldon, sipas The Guardian.

Van Gaal nuk arriti të maksimizonte talentet e Riquelmes, duke e luajtur rregullisht atë jashtë pozicionit për t’i dërguar një mesazh bordit të Barcelonës.

Por, çfarë ka të përbashkët festimi i Messit te goli i dytë dhe Riquelme?

Ju nuk keni nevojë të jeni ekspert për t’i bashkuar të gjitha në këtë pikë. Si një i ri, Messi ishte i magjepsur me Riquelmen.

Ish-trajneri i Barcelonës, Josep Minguella, tha në vitin 2020: “Ndonjëherë Leo vinte për drekë dhe më kujtohet një herë kur erdhën Riquelme, (Fabio) Rochemback, (Thiago) Motta dhe disa lojtarë të tjerë, dhe unë ende mund ta shoh Messin të ulur në fund të tavolinës duke parë Riquelmen sikur të ishte Jezu Krishti”.

“Për të, Riquelme ishte idhulli i tij i madh, ai luante me këmbë të majtë dhe luante në pozitën numër 10 në ekipin e parë të Barcelonës. Megjithatë, Leo nuk e shikonte shpesh, pasi i vinte turp të hamendjes pas tij”.

Festimi i Messit ishte duke u përgatitur për 20 vjet, si shenjë hakmarrëse për atë që Van Gaal ia bëri Riquelmes, derisa ky i fundit gjithmonë ka festuar golat e tij me duart pas veshëve. /Telegrafi/