Murati: Mbi 50 mijë studentë marrin sot nga 100 euro, mbështetja nuk mbaron me kaq

15:49 | 30 Nëntor 2022
E.H

Ministri i Financave, Hekuran Murati ka njoftuar se sot mbi 50 mijë student pranojnë nga 100 euro në kuadër të Pakos  për Përballje me Inflacionin.

Përmes një postimi në rrjetin social Facebook, Murati tha se me kaq nuk mbaron mbështetja e Qeverisë për studentët.

“50,778 studentë sot pranojnë mbështetjen e njëhershme prej 100 euro në kuadër të Pakos për Përballje me Inflacionin.  Mbështetja për studentët nuk mbaron me kaq”, shkroi Murati.

“Studimet i kemi bërë falas, kurse sivjet kemi rritur edhe numrin e bursave në 2 mijë për ata që studiojnë në STEM, nga 1,000 sa ishte vitin e kaluar. Qeveria për studentët!”, shtoi ai në fund./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm