Google ADS

Pedri dëshiron një finale me Argjentinën në mënyrë që të luajë me Messin

08:51 | 23 Nëntor 2022
K.B

Sot duke filluar nga ora 17:00, në kuadër të Kupës së Botës, do të luajnë Spanja dhe Kosta Rika.

E njëri nga yjet e Kombëtares së Spanjës, Pedri dëshiron që të luajnë në finalen e Botërorit kundër Argjentinës në Katar në mënyrë që të luajë kundër Leo Messit.

“Messi ishte lojtari më i mirë që kam parë dhe pasi luajta me të, mund të them vetëm se të qenit pranë tij ishte një privilegj. E falënderoj për mënyrën se si u soll me mua. Ai më trajtoi shumë mirë që në momentin e parë. Në fushë, ai të bën të lehtë për të luajtur”, ka thënë Pedri për ‘EFE’.

“Do të doja të luajë kundër Argjentinës në finale, pasi asnjëherë nuk kam luajtur kundër Messit më parë. Do të ishte një kujtim shumë i bukur.”

“Argjentina është një nga favoritët së bashku me Francën dhe Brazilin, skuadra që kanë shumë potencial. Do të shohim se çfarë do të ndodhë sepse në një Botëror nuk dihet kurrë”, përfundoi ai.

Kujtojmë se dje Argjentina ka pësuar humbje ndaj Arabisë Saudite me rezultat 1:2. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm