Përmirësohet situata nga moti i keq në Durrës, ulet niveli i ujit në lumin Erzen dhe Ishëm

10:18 | 22 Nëntor 2022
A. B.

Një situatë më e përmirësuar paraqitet sot në Durrës, pas dy ditëve me reshje të dendura të shiut të cilat shkaktuan përmbytje të tokave dhe banesave.

Autoritetet njoftojnë se niveli në Hidrovorin e Porto-Romanos është një metër, kurse në Hidrovorin e Hamallajt është 1.2 metër.

Niveli i ujit në lumin Erzen dhe Ishëm është ulur me rreth dy metër, dhe për pasojë është tërhequr uji nga tokat bujqësore në Njësinë Administrative Bubq, Bashkia Krujë.

Po ashtu, është larguar uji nga tetë banesat me prezencë uji në Rajonin Nr.6 në qytetin e Durrësit, raporton topchannel.

Të gjitha akset rrugore janë pa probleme dhe janë të kalueshme normalisht, ndërsa intensiteti i reshjeve ka qenë shumë i ulët.

Shpërndaje në rrjete sociale

Lajmet më të lexuara

Të ngjashme

Foto lajm