Sot rreth orës 13:30 nga zyrtarët policorë është parandaluar një konflikt mes disa nxënësve në afërsi të një shkollë në Prishtinë.
Në njoftimin e policisë bëhet e ditur se janë arrestuar 11 prej tyre.
Lajmin për arbresh.info e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.
Ahmeti bëri të ditur se personat në fjalë e kishin lënë një takim për të “zgjedhur” një mosmarrëveshje mes tyre me ç’rastë ka qenë reagimi i shpejtë i policisë që e ka ndaluar.
“Policia parandalon një konflikt në mes të nxënësve të dy shkollave në kryeqytet Zyrtarët policor të stacionit Jugu në Prishtinë, respektivisht të njësitit me rroba civile që operojnë në afërsi të shkollave, sot rreth orës 13:30, kanë parandaluar një konflikt mes disa nxënësve në afërsi të një shkolle në kryeqytet.
Pas marrjes së informatave se personat në fjalë kishin lënë një takim për të “zgjidhur” një mosmarrëveshje mes tyre, ka qenë reagimi i shpejtë i policisë ai që ka mundësuar arrestimin e 11 personave.
Rasti po trajtohet në koordinim me prokurorin e shtetit. Vlerësojmë lart, kontributin e secilit qytetar dhe i inkurajojmë për bashkëpunim të mëtejmë. Bashkëpunimi juaj me Policinë e Kosovës, po ndikon dukshëm në parandalimin e dukurive negative”, thuhet në njoftimin e Ahmetit për arbresh.info.
Përurohet Shtëpia-Shtab e UÇK-së në Halabak të Podujevës
Alex Lomax është lojtari më i ri i Bora
BE-ja dhe Britania kërkojnë armëpushim mes Izraelit dhe Hezb...
Rama: Maratona e Prishtinës solli kampionen Luiza Gega e shu...
“Jeta e tyre ishte lavd për dashurinë”, Kurti kujton Fehmi d...
Vetura godet për vdekje një 81-vjeçar në Fier