Google ADS

‘Dardanet’ e reja shkatërrojnë ato të Gjibraltarit në kualifikimet për Kampionatin Evropian

15:15 | 8 Nëntor 2022
K.B

Përfaqësuesja e Kosovës U-19 në kategorinë e femrave e ka filluar mbarë rrugëtimin për kualifikimet në Kampionatin Evropian.

Vashat tona kanë mposhtur 7-0 ato të Gjibraltarit, derisa punën e madhe e përfunduan në 45 minutat e parë.

Pas vetëm pesë minutash lojë, Flondra Behrami kaloi Kosovën U-19 në epërsi, derisa në minutën e 18-të shënoi edhe të dytin.

Dy gola i realizoi edhe Albulena Guri (26’, 42’), duke shkuar në pushimin mes pjesëve me epërsi të thellë.

Për 5-0 u përkujdes Elma Kadriu, që shënoi nga penalltia në minutën e 49-të, ndërsa golat nuk u ndalën me kaq.

Goli i gjashtë u shënua nga Erisa Popaj në minutën e 84-të, për të pasuar me të shtatin që u realizuar prej Vesa Paçarizi (90+1′).

Kosova U-19 është lidere me këtë fitore me tri pikë në Grupin e 5-të të Ligës B, derisa aty bën pjesë edhe Bullgaria.

Kujtojmë se fitueset e shtatë grupeve të Ligës B, do të promovohen në Ligën A, ku do t’i vazhdojnë kualifikimet në kuadër të raundit të dytë.

Shpërndaje në rrjete sociale

Lajmet më të lexuara

Të ngjashme

Foto lajm