Tiranë, policia në ndjekje të autorit që shkrepi armën derisa po lëvizte me motor

08:20 | 7 Nëntor 2022
Vjollca Gajraku

Të dielën në mbrëmje një person ka qëlluar me armë teksa lëvizte me motor në rrugën “Donald Trump” në Kamëz.

Edhe pse nuk raportohet për persona të plagosur nga ky rast, policia është vënë në ndjekje të autorit, shkruan Top Channel

Personi i cili ka kryer këtë veprim është ende i paidentifikuar nga uniformat blu.

Njoftimi policisë:

Kamzë/Informacion paraprak

Në Kamzë, Tiranë, një shtetas ende i paidentifikuar, duke lëvizur me një motomjet, ka qëlluar me armë zjarri.

Nga të shtënat me armë zjarri nuk ka persona të dëmtuar.

Shërbimet e Policisë janë vënë në ndjekje të autorit të dyshuar. Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorëve.

 

 

Shpërndaje në rrjete sociale

Lajmet më të lexuara

Të ngjashme

Foto lajm