Kosova organizon Samitin e parë Rajonal për Mbrojtje nga Diskriminimi Racor

19:49 | 6 Nëntor 2022
E.H

Nesër (e hëne) pritet të mbahet Samiti i parë Rajonal për Mbrojtje nga Diskriminimi Racor.

Ky samit do të jetë i pari që organizohet nga Zyra e Kryeministrit të Kosovës specifikisht për diskriminimin ndaj komuniteteve rom, ashkali dhe egjiptian.

Kjo u bë e ditur nga Zyra e Kryeministrit të Kosovës përmes një komunikate për media.

Samit Rajonal për Mbrojtje nga Diskriminimi Racor do të mbledhë së bashku përfaqësues të lartë shtetërorë, gazetarë, aktivistë, përfaqësues nga shoqëria civile në nivel të rajonit, duke përfshirë përfaqësues nga Kosova, Shqipëria, Maqedonia e Veriut, Mali i Zi, Serbia, Kroacia dhe Bosnja e Hercegovina.

Në njoftim thuhet se samiti do të filloj nga ora 09:30 në hotelin “Swiss Diamond” në Prishtinë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm