Haradinaj-Kurtit: Ndërprite shkatërrimin e vendit

15:48 | 5 Nëntor 2022
A. B.

Kryetari i AAK-së, Ramush Haradinaj, ka reaguar pas njoftimit të Listës Serbe që u larguan nga institucionet e Kosovës, duke i bërë thirrje kryeministrit Kurti që të reflektojë.

“Sa i përket Kurtit, janë momentet e fundit që të reflektojë dhe të ndërpresë shkatërrimin e vendit, përndryshe do të jemi të detyruar ta ndërpresim ne, me të gjitha mjetet demokratike në dispozicion”, ka shkruar Haradinaj.

Ai po ashtu ftoi banorët në veri të vendit për përmbajtje dhe qetësi.

“Sot me Këshillin e Përgjithshëm të Aleancës, riafirmuam vendosmërinë tonë për mbrojtjen e interesave nacionale të Kosovës dhe orientimin proamerikan. Me këtë rast, ftoj të gjithë qytetarët e Kosovës që jetojnë në veri të vendit, të përmbahen dhe të ruajnë qetësinë, duke mos rënë pre e politikave të gabuara. Kosova është shtet i të gjithëve, e nuk është në favorin e askujt destabilizimi i situatës, përpos atyre që ndjekin agjendat ruse”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm