Google ADS

Zelensky: Niveli real i humbjeve të Rusisë është i fshehur nga shoqëria ruse

09:14 | 5 Nëntor 2022
A. B.

Presidenti i Ukrainës, Volodymyr Zelensky, ka mbajtur fjalimin e tij të radhës.

Ai tha: Luftimet më të ashpra gjatë kësaj jave janë përqendruar në Donbas – Bakhmut dhe Soledar.

“Ne i mbajmë pozicionet tona. Dhe në këto dhe disa drejtime të tjera në rajonin e Donetskut, ushtria ruse ka shpenzuar tashmë aq jetë të njerëzve të saj dhe aq municion sa ndoshta nuk ka shpenzuar në dy luftërat çeçene së bashku”.

“Por niveli real i humbjeve të Rusisë është i fshehur nga shoqëria ruse”, ka shtuar Zelensky.

“Dhe kjo kokëfortësi absolutisht e çmendur e tyre është treguesi më i mirë se gjithçka që ata u thonë disa liderëve të huaj për gatishmërinë e tyre të pretenduar për negociata është po aq e rreme”.

“Ne jemi gati për paqe, për një paqe të drejtë, formulën e së cilës e kemi shprehur shumë herë. Bota e di pozicionin tonë”.

“Ukraina do të jetë e lirë. Dhe i gjithë kufiri ynë do të rivendoset – si në tokë ashtu edhe në det. Si në lindje ashtu edhe në jug”.

Shpërndaje në rrjete sociale

Lajmet më të lexuara

Të ngjashme

Foto lajm