Google ADS

Arrin në Ballkan aeroplanmbajtësja amerikane me energji bërthamore

14:11 | 4 Nëntor 2022
A. B.

Aeroplanmbajtësja amerikane me energji bërthamore George H.W. Bush (CVN-77) sot në mëngjes lundroi në portin e Splitit, njoftoi portali Dalmacija Danas.

Është aeroplanmbajtësja më e re amerikane dhe një nga luftanijet më të mëdha në botë. Në fund të tetorit, qeveria kroate miratoi hyrjen e saj në det.

Anija është e klasës Nimitz, 333 metra e gjatë dhe ka një zhvendosje mbi 100 mijë tonë.

Shpejtësia e tij maksimale i kalon 30 nyje dhe fuqizohet nga dy reaktorë bërthamorë.

Mund të lundrojë për më shumë se 20 vjet pa karburant. Kapaciteti i anijes është 3532 anëtarë ekuipazhi dhe mund të mbajë 90 avionë dhe helikopterë. Anija u ndërtua në vitin 2009 dhe kostoja e ndërtimit ishte 6.2 miliardë dollarë.

USH George H.W. Bush në fund të tetorit, drejtoi stërvitjen e madhe ushtarake të NATO-s “Neptun Strike 2022” në zonën e Mesdheut.

Stërvitja përfshiu mbi 80 avionë, 14 anije dhe rreth 6.000 personel nga 24 aleatë dhe partnerë të NATO-s, duke përfshirë Finlandën dhe Suedinë.

Shpërndaje në rrjete sociale

Lajmet më të lexuara

Të ngjashme

Foto lajm