Kapen mbi 33 kg kokainë në kontejnerin me banane në Durrës

21:41 | 3 Nëntor 2022
Emir Abduramani

Një sasi prej 33.5 kilogramë kokainë është sekuestruar pasditen e së enjtes në Portin e Durrësit.

Lënda narkotike u zbulua në një kontejner me banane që kishte ardhur nga Ekuadori, për llogari të një firme në Tiranë.

Si rezultat i kontrollit me qen antidrogë, shërbimet e policisë konstatuan se në 2 arka bananesh,  ishin 31 pako drogë.

Në vijim të operacionit janë shoqëruar në ambientet e Drejtorisë Vendore të Policisë Durrës, për veprime të mëtejshme hetimore dhe procedurale, tetë persona, pjesëtarë të firmës që priste ngarkesën me banane dhe punonjës të skanerit në Portin e Durrësit./euronewsalbania/

Shpërndaje në rrjete sociale

Lajmet më të lexuara

Të ngjashme

Foto lajm