Forcat sulmuese dhe mbështetëse detare të NATO-s dhe Flota e Gjashtë e Shteteve të Bashkuara të Amerikës përfunduan stërvitjen “Goditja e Neptunit” në detet Adriatik dhe Jon, me pjesëmarrjen edhe të anijeve shqiptare dhe kroate.
Kjo stërvitje ishte faza e tetë e serisë së aktiviteteve të Projektit Neptun të NATO-s të planifikuara prej një kohe të gjatë, të cilat tregojnë kohezionin e Aleancës së NATO-s dhe kontribuojnë në sigurinë dhe stabilitetin rajonal, ka njoftuar Ambasada Amerikane në Tiranë në një postim në rrjetet sociale.
“Ndërsa avionët e aleatëve dhe partnerëve fluturonin së bashku në qiej, anijet e grupit sulmues të transportuesit George H. W. Bush lundruan së bashku me anije të shumta aleate në detet Adriatik dhe Jon, përfshirë edhe anije shqiptare dhe kroate”, shton ambasada.
Vendet pjesëmarrëse në stërvitjen “Goditja e Neptunit” përfshinin Shqipërinë, Belgjikën, Bullgarinë, Kanadanë, Çekinë, Kroacinë, Danimarkën, Francën, Gjermaninë, Greqinë, Hungarinë, Italinë, Letoninë, Lituaninë, Holandën, Maqedoninë e Veriut, Norvegjinë, Poloninë, Portugalinë, Rumaninë, Sllovakinë, Spanja, Suedia, Turqia, Britania e Madhe dhe SHBA, thuhet në njoftimin e ushtrisë amerikane./arbresh.info/
Policia shqiptoi mbi 2200 gjoba brenda 24 orëve në Kosovë
26-vjetori i rënies, Osmani kujton Xhevë dhe Fehmi Lladrovci...
Hasani ne New York: Përsërita angazhimin e Shqipërisë për fu...
Vrasja në Mitrovicë/ Policia kontrollon banesën e të dyshuar...
“Kërkesa e Vuçiqit për kthim të veriut në “gjendjen e mëpar...
Lamine Yamal aktualisht më shumë paguhet nga Adidas se nga B...